Тешка сообраќајна несреќа во Илинден: Повреден возач на мопед

Дваесетгодишен возач на мопед се здобил со тешки телесни повреди во сообраќајна несреќа што се случила синоќа во населбата Илинден, информира Министерството за внатрешни работи.

— реклама —

Несреќата била пријавена во СВР Скопје околу 23 часот, а се случила на улицата „34“, каде што се судриле патничко возило „БМВ“ со скопски регистарски ознаки, управувано од 23-годишниот А.С., и мопед, управуван од 20-годишниот П.С., двајцата од населбата Илинден.

— реклама —

— реклама —

Во судирот, возачот на мопедот се здобил со тешки телесни повреди, кои му биле констатирани во Комплексот клиники „Мајка Тереза“.

— реклама —

Увид на местото на несреќата извршила увидна екипа на СВР Скопје, а се преземаат мерки за утврдување на причините за несреќата.