Малолетен пешак се здобил со тешки телесни повреди во сообраќајна несреќа што се случила вчера попладне во гостиварското село Сенокос, информира Министерството за внатрешни работи.
Според МВР, несреќата била пријавена на 8 јули во 18:10 часот на локалниот пат во селото Сенокос, кога патничко возило „мерцедес“ со гостиварски регистарски ознаки, управувано од Ч.С. (31) од село Топлица, удрило во малолетен пешак од селото Сенокос.
Во несреќата, малолетникот се здобил со тешки телесни повреди, кои биле констатирани во Ургентниот центар во Гостивар.
Увид на местото на настанот извршила увидна екипа од ОВР Гостивар, а се преземаат мерки за целосно расчистување на околностите под кои се случила сообраќајната несреќа.
