Тешки повреден 13-годишник сопатник во судир меѓу автобус и мопед

Тринаесетгодишно дете се здобило со тешки телесни повреди во сообраќајна несреќа што вчера попладне се случила на регионалниот пат Скопје–ХЕЦ „Козјак“, соопшти Министерството за внатрешни работи.

— реклама —

Според информациите од МВР, несреќата била пријавена на 8 јули околу 16:30 часот, а во неа учествувале автобус „мерцедес“ со скопски регистарски ознаки, управуван од 63-годишниот А.В. од скопското село Батинци, и мопед управуван од 18-годишниот А.Д. од селото Цветово.

— реклама —

— реклама —

Во судирот, 13-годишниот сопатник на мопедот се здобил со тешки телесни повреди, додека возачот на мопедот се здобил со телесни повреди. Повредите им биле констатирани во Комплексот клиники „Мајка Тереза“ во Скопје.

— реклама —

Увид на местото на несреќата извршила увидна екипа на СВР Скопје, а се работи на целосно расчистување на околностите под кои се случила сообраќајната несреќа.