Тешко повреден 80-годишен велосипедист во сообраќајна несреќа со мопед во Прилеп

Осумдесетгодишен велосипедист се здобил со тешки телесни повреди во сообраќајна несреќа што се случила во Прилеп.

— реклама —

Според информациите од СВР Битола, на 18 јуни во ОВР Прилеп било пријавено дека на крстосницата меѓу улиците „Прилепски Бранители“ и „Тризла“ се случила сообраќајна несреќа помеѓу мопед „Томос“ со прилепски регистарски ознаки, управуван од Г.У. (33) од Прилеп, и велосипед кој го управувал А.К. (80) од Прилеп.

— реклама —

— реклама —

Во несреќата тешки телесни повреди добил велосипедистот, кои биле констатирани во Општата болница во Прилеп.

— реклама —

На местото на настанот увид извршила увидна екипа на ОВР Прилеп, а се преземаат мерки за целосно расчистување на околностите под кои се случила несреќата.