Тешко повреден 83-годишен пешак по судир со мопед во Скопје

Осумдесет и тригодишен пешак е тешко повреден откако во него удрил мопед на улицата „Јустинијан Први“ во Скопје, соопшти Министерството за внатрешни работи.

— реклама —

Несреќата се случила на 4 август околу 07:55 часот, кога мопед управуван од 22-годишниот А.Ј., двајцата од Скопје, удрил во пешакот Ц.Н. (83).

— реклама —

— реклама —

Во незгодата пешакот се здобил со тешки телесни повреди, додека возачот на мопедот се здобил со телесни повреди. Повредите биле констатирани во болницата „Св. Наум Охридски“ и во Ургентниот центар при Комплексот клиники „Мајка Тереза“.

— реклама —

Увид на местото извршила екипа на СВР Скопје.