Судир меѓу два мопеда на улицата „Егејска“ во Прилеп завршил со тешко повреден 46-годишен прилепчанец, информираат од Министерството за внатрешни работи.
Според полициските информации, сообраќајната несреќа била пријавена на 15 јуни во 08:20 часот. Во неа учествувале мопед со прилепски регистарски ознаки, управуван од В.И. (46) од Прилеп, и друг мопед што го управувал Г.М. (55), исто така од Прилеп.
Во судирот, В.И. се здобил со тешки телесни повреди, кои биле констатирани во Градската болница во Прилеп, каде што му била укажана лекарска помош.
Увид на местото на несреќата извршила увидна екипа на ОВР Прилеп, а надлежните служби ги утврдуваат причините и околностите под кои дошло до сообраќајката.
