Тешко повреден мопедист во сообраќајна несреќа кај прилепското село Селце

Мопедист е тешко повреден, а неговиот сопатник се здобил со телесни повреди во сообраќајна несреќа што се случила вчера попладне на локалниот пат кај селото Селце, прилепско, соопшти Министерството за внатрешни работи.

— реклама —

Според информациите од МВР, несреќата била пријавена на 10 јули во 18:35 часот во ОВР Прилеп, а во неа учествувале патничко возило „Волво“ со прилепски регистарски ознаки, управувано од В.Н. (46) од Прилеп, и мопед „Шинерај“ со прилепски регистарски ознаки, управуван од А.П. (77) од Прилеп. При увидот било утврдено дека возачот на мопедот не поседувал возачка дозвола. На мопедот како сопатник се превезувал и И.Р. (68) од Прилеп.

— реклама —

— реклама —

По несреќата, двајцата со возило на Итната медицинска помош биле пренесени во Градската болница во Прилеп, каде кај А.П. биле констатирани тешки телесни повреди, додека И.Р. се здобил со телесни повреди.

— реклама —

Увид на местото на несреќата извршила увидна екипа од ОВР Прилеп.