Тешко повреден мотоциклист во судир со „ауди“ во Скопје

Тешки телесни повреди здобил мотоциклист во сообраќајна несреќа што се случила вчера попладне на улицата „Бледски Договор“ во Скопје.

— реклама —

Како што информираат од Министерството за внатрешни работи, несреќата била пријавена на 18 јуни околу 14:10 часот, а во неа учествувале патничко возило „ауди“ со скопски регистарски ознаки, управувано од З.Ч. (42) од селото Рашче, и мотоцикл „хонда“ со скопски регистарски ознаки, управуван од А.С. (46) од Скопје.

— реклама —

— реклама —

Во судирот, мотоциклистот се здобил со тешки телесни повреди, кои биле констатирани во Градската општа болница „8 Септември“.

— реклама —

Увид на местото на несреќата извршила увидна екипа на СВР Скопје, а причините за сообраќајката се утврдуваат.