Тешко повреден велосипедист во сообраќајка во Тетово

Велосипедист се здоби со тешки телесни повреди во сообраќајна несреќа што вчера попладне се случила на кружниот тек меѓу булеварите „Илинденска“ и „Благоја Тоска“ во Тетово.

— реклама —

Од СВР Тетово информираат дека несреќата била пријавена на 9 јули во 15:02 часот, а во неа учествувале патничко возило „мерцедес“ со тетовски регистарски ознаки, управувано од И.Р. (68) од Тетово, и велосипед управуван од Б.С. (39), исто така од Тетово.

— реклама —

— реклама —

Во судирот велосипедистот се здобил со тешки телесни повреди, кои му биле констатирани во Клиничката болница во Тетово.

— реклама —

Увид на местото на несреќата извршила екипа од СВР Тетово, а причините за сообраќајката се утврдуваат.