Шеесет и осумгодишен велосипедист од Гостивар се здобил со тешки телесни повреди во сообраќајна несреќа што се случила на улицата „Седек Костоски“ во Гостивар.
Според информациите од СВР Тетово, несреќата била пријавена на 7 јули околу 12:25 часот, а во неа учествувале мопед со гостиварски регистарски ознаки, управуван од 19-годишниот М.Н. од Гостивар, и велосипед што го управувал Б.И. (68), исто така од Гостивар.
Во судирот, велосипедистот се здобил со тешки телесни повреди, кои биле констатирани во Ургентниот центар во Гостивар.
Увид на местото на несреќата извршила екипа од СВР Тетово, а се преземаат мерки за целосно расчистување на околностите под кои се случила сообраќајната несреќа.
