Четириесет и едногодишен жител на Куманово се здобил со тешки телесни повреди во сообраќајна несреќа што се случила синоќа на улицата „11 Ноември“ во Куманово, соопшти Министерството за внатрешни работи.
Според информациите од МВР, несреќата била пријавена на 8 јули околу 22:40 часот, кога патничко возило со кумановски регистарски ознаки, управувано од М.Т. (41) од Куманово, удрило во паркирано товарно возило „пежо“, сопственост на С.К. (38) од Куманово.
Во несреќата, возачот М.Т. се здобил со тешки телесни повреди, кои биле констатирани во Општата болница во Куманово.
Увид на местото на настанот извршила увидна екипа од СВР Куманово, а се преземаат мерки за целосно расчистување на околностите под кои се случила сообраќајната несреќа.
