Тешко повредена 25-годишна девојка по излетување на четирицикл кај Вејце

Дваесет и петгодишна девојка се здобила со тешки телесни повреди, а уште две лица се повредени во сообраќајна несреќа што се случила на локалниот пат меѓу селата Вејце и Селце во Тетовско.

— реклама —

Од СВР Тетово информираат дека на 17 јуни во 13:00 часот било пријавено дека четирицикл со тетовски регистарски ознаки, управуван од Е.Т. (25) од селото Селце, излетал од коловозот.

— реклама —

Во несреќата возачката се здобила со тешки телесни повреди, додека нејзините сопатнички Е.Б. (18) и В.Т. (20), исто така од селото Селце, се здобиле со телесни повреди.

— реклама —

Повредите биле констатирани во Клиничката болница во Тетово.

— реклама —

Увид на местото на несреќата извршила увидна екипа на СВР Тетово, а се утврдуваат причините за излетувањето на четирициклот од патот.