Шеесет и четиригодишна жена е тешко повредена во сообраќајна несреќа што се случила на крстосницата меѓу булеварот „Јане Сандански“ и сервисната улица во скопската општина Аеродром.
Според информациите од МВР, несреќата се случила на 6 август околу 13:40 часот, кога се судриле автобус „ман“ со скопски регистарски ознаки, управуван од Т.П. (47) од село Ново Село, и патничко возило „форд фокус“, управувано од Г.Ј. (55) од Скопје.
Во судирот тешки телесни повреди добила В.В. (64) од Скопје, која била патничка во автобусот. Повредите ѝ биле констатирани во Комплексот клиники „Мајка Тереза“.
Увид на местото на несреќата извршила увидна екипа од СВР Скопје.
