Триесет и деветгодишен жител на Тетово е лишен од слобода откако без возачка дозвола управувал автомобил и учествувал во сообраќајна незгода, соопшти Министерството за внатрешни работи.
Според МВР, на 21 јули во 19:55 часот, полициски службеници од Полициската станица за безбедност на патниот сообраќај Тетово го привеле Ѓ.С. (39).
Претходно, тој без да поседува возачка дозвола управувал патничко возило „БМВ“ со тетовски регистарски ознаки и учествувал во сообраќајна незгода.
Од Министерството информираат дека возилото е одземено, а лицето е задржано во полициска станица. По целосното документирање на случајот против него ќе биде поднесена соодветна пријава.
