Тетовец дал 3.550 евра за испорака на мебел, но не го добил – вратен само дел од парите

СВР Тетово поднесе кривична пријава против 46-годишен жител на тетовско, поради постоење основи на сомнение за сторено кривично дело „измама“.

— реклама —

Според пријавеното, на 12 јануари 2026 година во правен субјект во Тетово, А.Р. (46) се договорил со 49-годишен жител на тетовско да му испорача мебел.

— реклама —

— реклама —

За договорената испорака, 49-годишникот му исплатил 3.550 евра. Меѓутоа, мебелот не бил испорачан во договорениот рок, а на оштетениот му бил вратен само дел од уплатените средства.

Поради случајот, СВР Тетово поднесе кривична пријава против 46-годишникот поради сомнение за сторена измама.