СВР Тетово информира дека на 21 мај 2026 година во 12:40 часот полициски службеници го лишиле од слобода К.Б.(36) од Тетово, постапувајќи по претходна пријава за семејно насилство.
Според пријавеното, околу 11:00 часот во семејниот дом во Тетово, тој физички ја нападнал својата 62-годишна мајка, а оштетил и дел од покуќнината.
При преземање мерки, врз К.Б. било извршено алкотестирање, при што биле измерени 1,49 промили алкохол во крвта.
Тој е задржан во полициска станица, а по целосно документирање на случајот против него ќе биде поднесена соодветна пријава.
