„Тие што лежат за ќебапчиња фаќаат место, а насилниците ќе ги пуштате дома?“, вели Ина по барањата за нова амнестија оти затворите се полни

„Па мали се затворите за овој криминоген народ, направете поголеми“, реагира Ина Многуфина на најавите за нова амнестија поради пренатрупаноста на затворите. Во својата објава таа остро се спротивставува на можноста осуденици да бидат пуштени на слобода, особено лица осудени за семејно насилство, и прашува кој ќе ја гарантира безбедноста на жртвите.

„Нова амнестија да имало, пуни биле затворите. Па мали се затворите за овој криминоген народ, напрајте поголеми. Воедно овие што лежат за ќебапчиња, фаќаат место“, пишува Многуфина.

— реклама —

Таа се осврнува и на случајот со осуденикот кој, како што наведува, вчера добил доживотна затворска казна за убиство на четири жени. Во својата реакција бара построги казни, вклучително и воведување смртна казна по примерот на дел од американските сојузни држави.

„Исто така оноа вчера шо доби доживотна за убиство на 4 жени, не знам зашо ќе го раниме, жив трошок е, изгласајте казни ко во Америка“, наведува таа.

Многуфина го критикува и образложението дека престојот на затворениците претставува голем финансиски товар, предлагајќи тие да бидат работно ангажирани на инфраструктурни проекти.

— реклама —

„Да ги пуштале дома, скапо било. Па носете ги да работат, дремат ко у хотел. Кичево – Охрид, Прилеп – Битола, пруги, железници, има работа за физички работници, гледате дека сите се менаџери и политичари, нема кој да работи физичка работа“, пишува Многуфина.

Најостриот дел од нејзината реакција е посветен на можноста лица осудени за семејно насилство да бидат опфатени со амнестија. Таа го оспорува предлогот нивното однесување да се следи преку повремени контакти со семејствата, особено ако институциите немаат можност за постојан надзор.

— реклама —

„Да ги пуштале тие од семејно насилство дома, леба ти слушни го ова, па да се јавувале на семејството дали бил насилен ама они сепак не можеле 24/7 да го проверуваат. Глејте тоа направете“, реагира таа.

Според Многуфина, кога сторител на семејно насилство веќе издржува затворска казна, станува збор за сериозен случај во кој заштитата на жртвата мора да има предност.

„Тој што за семејно насилство стигнал до затвор значи дека си имал работа со одделот за насилен криминал, што значи има жртвата телесни повреди и најверојатно делото е повторено. Инаку условно ги пуштаат дома. Лабаво“, пишува таа, изнесувајќи ја својата оценка за постапувањето со ваквите случаи.

Во објавата таа наведува и податоци за фемицидите, тврдејќи дека Македонија е на третото место во Европа според Евростат, со шест случаи минатата година и 26 во последните пет години. Овие бројки се дел од нејзината објава.

„Како тоа дома ќе ги пуштате? Вас некој да ве крши од тепање, ок ќе ви биде да ви го донесат дома да си продужите да си живеете заедно? Па не, нормално“, заклучува Многуфина.