Тимберленд го претстави новиот модел „Аутентик Лоуфер“, со кој брендот покажува дека неговото искуство не се ограничува само на препознатливите чизми по кои е познат ширум светот.
Станува збор за елегантни мокасини со кожна внатрешност и робустен гумен ѓон, дизајнирани за секојдневно носење. Горниот дел е изработен од кожа, додека внатрешноста е обложена за поголема удобност при носење во текот на целиот ден.
Моделот „Аутентик Лоуфер“ има масивен гумен ѓон со длабоки жлебови, што му дава препознатлив „аутдор“ изглед и дополнителна функционалност, иако станува збор за поелегантна силуета.
Мокасините се достапни во две бои – бордо и црна. Бордо варијантата е наменета за похрабри модни комбинации, додека црната верзија нуди покласичен изглед што лесно се комбинира и со лежерна и со поформална облека.
Новите мокасини на Тимберленд засега се достапни во Јапонија, а сè уште не е познато кога ќе се појават и на другите пазари. Препорачаната цена изнесува околу 143 евра.
