Францускиот амбасадор, Кристиан Тимоние упати телеграма со сочувство по повод прераната смрт на градоначалникот на Охрид, Јован Стојаноски.
„Дозволете ми од име на Република Франција и во свое лично име да Ви го искажам моето најдлабоко сочувство за прераната смрт на градоначалникот проф. д-р Јован Стојаноски.
Охрид загуби исклучителна личност, како локалната самоуправа, така и академската заедница. Неговите заложби и реализирани активности за подобра иднина на градот и општината, во чиишто рамки сакам да ја истакнам одличната соработка со амбасадата
на Република Франција, зборуваат за неговиот професионализам и одговорен пристап кон работата.
Дозволете ми, Госпоѓо Претседател, да искажам сочувство и до неговото семејство, неговите пријатели и соработници“, стои во телеграмата.
