Неофицијално, според извори од ВМРО-ДПМНЕ, Тодоров го обвинуваат за тоа што базата на податоци со телефонски броеви на партиските членови на ВМРО-ДПМНЕ му била дадена на СДСМ, за што се доказ СМС пораките кои на денот на референдумот ги добивале членови од ВМРО-ДПМНЕ. Наводно, само Тодоров имал пристап таа база - пишува „Слободен печат“.
Поранешниот министер за здравство Никола Тодоров, во изјава за печатеното издание на „Слободен печат“ вели дека точната причина за исклучувањето не му била соопштена.
ВМРО-ДПМНЕ една недела по одржување на Централниот комитет пред јавноста не понуди докази врз основа на кои ги темели сознанијата за организирање група за притисоци, уцени, закани и поткуп на пратеници на ВМРО-ДПМНЕ и коалицијата, со цел да гласаат за уставните измени. Поради ваквите сознанија, од партијата беа исклучени пратениците кои гласаа „за“ уставните измени, како и Никола Тодоров и Сашо Мијалков, додека Митко Јанчев беше разрешен од фунцијата потпретседаел, а Костадин Богданов беше исклучен од Извршниот комитет. Исклучените од ВМРО-ДПМНЕ очекуваат писмена одлука од партијата на која имаат право на жалба.
Поранешниот министер за здравство Никола Тодоров, во изјава за печатеното издание на „Слободен печат“, вели дека точната причина за исклучувањето не му била соопштена.
