Томи Пол по поразот од Алкарас: „Разликата во нивото беше огромна, ужасно чувство“

Томи Пол не криеше дека бил целосно немоќен против Карлос Алкарас во осминафиналето на УС Опен. Американецот на „Артур Еш“ беше убедливо надигран од бранителот на титулата, а по мечот се обиде да објасни зошто не успеал посериозно да му се спротивстави на Шпанецот.

— реклама —

„Морав многу подобро да ја погодувам бекхенд дијагоналата. Речиси по секој мој бекхенд, тој успеваше да се извлече и да нападне со форхенд. Имав чувство дека многу побрзо преминуваше во напад“, изјави Пол.

Посебен проблем за Американецот била способноста на Алкарас од целосно неутрална ситуација речиси веднаш да ја преземе контролата врз поенот.

— реклама —

„Не успевав ниту да излезам на мрежа бидејќи ме уништуваше со неутралните топки. Од неутрална ситуација преминуваше во напад со неверојатна брзина“, рече Пол.

— реклама —

Американецот отворено призна какво било чувството да се игра против Алкарас во вакво издание.

„Разликата во нивото меѓу нас денеска беше огромна, а тоа е ужасно чувство кога сте на теренот“, призна Пол.

Неговата оценка се совпадна и со впечатокот на Енди Родик, кој по мечот порача дека е „застрашувачки“ тоа што Алкарас целосно го надиграл Пол, иако Американецот, според неговото мислење, одиграл прилично добро.