Според прогнозата на Управата за хидрометеоролошки работи (УХМР), времето утре ќе биде променливо облачно и топло, со сончеви периоди.
Ќе дува умерен до засилен ветер од северен правец, кој на места ќе достигнува брзина до 40 километри на час, особено во источните делови од земјата.
Утринските температури ќе се движат од 9 до 18 степени, додека дневните ќе достигнат меѓу 26 и 34 степени Целзиусови.
Во Скопје се очекува променливо облачно време со сончеви периоди и слаб до умерен ветер од променлив правец. Минималната температура ќе се спушти до 15 степени, а максималната ќе достигне до 31 степен.
