– Во Основниот кривичен суд во Скопје за денеска се закажани нови рочишта за предметите „Титаник и „Тортура“, кои од СЈО ги презеде во надлежност и натамошно постапување Јавното обвинителство на Република Македонија. Поради смена на поротник и поради истек на 90 дена, судењето за предметот „Тортура“ на СЈО почна од почеток. Судијката Александра Ристеска рече дека поротникот што поднел оставка е заменет со друг, но и дека во судницата е присутен дополнителен поротник.
Адвокатите на Мијалков кој е обвинет за случајот „Тортура“ побараа запирање на кривичната постапка против него и шестмината припадници на алфите обвинети за нечовечкото апсење на Љубе Бошковски пред 8 години. Според одбраната, веќе поранешните обвинители во СЈО не се надлежни да го застапуваат предметот зашто сѐ уште во сила е законот за СЈО.
Судот дополнително треба да донесе одлука дали ќе го прифати барањето на одбраната.
