Товарен воз удрил во одрони од карпа кај Велес, железничкиот сообраќај во прекин

Товарен воз попладнево удрил во одрони од карпа, па излетал од шините во близината на Железничката станица „Рајко Жинзифов“ на пругата Велес – Скопје, информираа од СВР Велес.

— реклама —

— реклама —

Во моментов во прекин е железничкиот сообраќај на тој дел, затоа што се острануваат одроните и се расчистува местото на несреќата, а СВР Велес и ЈП Македонски железници вршат увид.

— реклама —

Сите патници кои вечерва од Скопје планирале да патуваат по таа пруга, односно до Велес, Кочани, Битола и Гевгелија, ќе бидат превезени со автобуси кои ќе се обезбедени како замена.