Трагедија на патот Кочани – Виница: загина возач

Во тешка сообраќајна несреќа што се случила на 16 март околу 13:40 часот на патот Кочани – Виница, во атарот на Виница, загинал 65-годишниот З.П. од селото Истибања.

— реклама —

Според полицијата, во несреќата учествувале патничко возило „фолксваген туран“ со штипски регистарски ознаки, управувано од Ј.Т. (59) од Штип, и патничко возило „мазда“ со штипски регистарски ознаки, управувано од З.П..

— реклама —

— реклама —

Од здобиените повреди З.П. починал на местото, а смртта ја констатирал лекар од Итната медицинска помош. По наредба на јавен обвинител, телото е предадено на обдукција.

Во несреќата со тешки телесни повреди се здобила сопатничката од „мазда“, Ж.П. (58) од селото Истибања, а со телесни повреди се здобиле Ј.Т. и неговиот сопатник Г.Д. (65) од Штип. Увид извршиле јавен обвинител и увидна екипа од ОВР Виница.