Трагедија во Германија: Мајка го заборавила 1-годишното девојче во возило, детето починало

1-годишно девојче починало во германскиот град Шорндорф, во сојузната покраина Баден-Виртемберг, откако со часови било оставено во автомобил, пренесуваат германските медиуми.

— реклама —

Според првичните информации од истрагата, детето било заборавено во возилото од неговата 44-годишна мајка. Полицијата соопштила дека пријавата за дете без знаци на живот во автомобил паркиран на улицата „Рихард Капхан“ била примена во средата околу 14:50 часот.

Досегашните сознанија укажуваат дека мајката ја пронашла својата 1-годишна ќерка во возилото дури во попладневните часови, неколку часа откако ја оставила таму.

— реклама —

Иако итните служби веднаш започнале со реанимација на местото на настанот, лекарите не успеале да го спасат девојчето, кое починало.

— реклама —

Обвинителството во Штутгарт потврди дека против мајката е отворена истрага поради сомнение за предизвикување смрт од небрежност.

Случајот го истражуваат криминалистичката полиција од Вајблинген и Обвинителството во Штутгарт, а наредена е и обдукција за да се утврди точната причина за смртта.

— реклама —

Засега истражните органи не соопштуваат детали за околностите поради кои детето останало во автомобилот.