Трагедија во Кондово: 38-годишен маж загина од струен удар додека работел на куќа

Триесет и осумгодишен маж од скопското село Студеничани починал откако добил струен удар додека извршувал градежни работи на куќа во изградба во селото Кондово.

— реклама —

Според информациите од Министерството за внатрешни работи, трагичниот настан бил пријавен вчера, 20 октомври, околу 14 часот, во СВР Скопје.

— реклама —

„Во с. Кондово, скопско, М.Б. (38) од с. Студеничани, скопско, додека извршувал градежни работи на куќа во изградба добил струен удар, по што паднал на земја и починал“, информираат од МВР.

На местото пристигнала екипа на Итната медицинска помош, но лекар можел само да ја констатира смртта на 38-годишниот маж.

— реклама —

Извршен е увид, а по насоки на јавен обвинител телото на починатиот е предадено на Судска медицина за обдукција.

— реклама —

Од МВР засега не соопштуваат дополнителни детали за околностите под кои настанал струјниот удар.