Трагедија во Хрватска: Четири лица загинаа во судир на катамаран и едрилица

Во тешка поморска несреќа што се случи во Хрватска, во акваторијата меѓу островите Шолта и Брач, загинаа четири лица откако се судрија брзиот патнички катамаран „Крило Еклипс“ и едрилица под француско знаме.

— реклама —

Несреќата се случила кај Сплитските Врата, во близина на Брач. Катамаранот, на кој имало 118 патници, пловел од Сплит кон Хвар, додека едрилицата, на која се наоѓале чешки државјани, се движела во истата насока од Трогир.

— реклама —

На местото на несреќата бил извршен увид под раководство на Жупаниското државно обвинителство во Сплит, во кој учествувале вештаци за поморски сообраќај, специјалисти за бродска електроника и полициски екипи.

На местото биле пронајдени телата на три лица, додека четвртото тело било забележано во потонатата едрилица. Поради темнината, увидот бил прекинат и продолжен следното утро, а деталниот преглед на едрилицата ќе биде извршен по нејзиното извлекување од морето.

— реклама —

Хрватското обвинителство нареди токсиколошки анализи и поморско-технички вештачења за да се утврдат точните околности што довеле до трагедијата.

Иако во јавноста се отвори прашањето кое пловило имало предност при минување, хрватските власти посочуваат дека одговорот ќе биде познат дури по завршувањето на официјалната истрага.