Трагедија во Хрватска: Четири лица загинаа во тешка сообраќајна несреќа

Четири лица загинаа, а едно е повредено во тешка сообраќајна несреќа што денеска околу 12:25 часот се случила на северната обиколница на Вировитица во Хрватска.

— реклама —

Според првичните информации, до несреќата дошло при судир на две возила на државниот пат ДЦ 538.

— реклама —

Хрватските медиуми јавуваат дека на местото на несреќата бил повикан и медицински хеликоптер, но лицето кое требало да биде транспортирано поради сериозноста на повредите подлегнало на повредите.

Едно повредено лице е пренесено во Општата болница во Вировитица, каде што му се пружа лекарска помош.

— реклама —

На местото на трагедијата се врши увид под раководство на заменик-жупанискиот државен обвинител од Бјеловар, кој треба да ги утврди причините и околностите под кои дошло до несреќата.

— реклама —

Поради увидот, државниот пат ДЦ 538 е затворен за сообраќај до понатамошно известување.