Трагедија во Хрватска: Дете почина три дена по пад од електричен тротинет

Дете почина во Клиничкиот болнички центар во Загреб три дена откако беше тешко повредено при пад од електричен тротинет во близина на Велика Горица, јавуваат хрватските медиуми.

— реклама —

Несреќата се случила во петокот околу 22:20 часот. Според полицискиот извештај, детето управувало со електричен тротинет без заштитна кацига, а со него се возело уште едно дете, кое исто така не носело кацига.

— реклама —

— реклама —

Полицијата соопшти дека детето не ја прилагодило брзината на условите на патот, поради што ја изгубило контролата врз тротинетот и двајцата паднале на коловозот.

— реклама —

По несреќата, повреденото дете било пренесено со возило на Итната медицинска помош во Клиничкиот болнички центар во Загреб. Лекарите три дена се бореле за неговиот живот, но вчера им подлегнало на тешките повреди.