Две лица се здобиле со тешки телесни повреди во сообраќајна несреќа што се случила синоќа на регионалниот пат меѓу селата Алешевце и Слупчане, во атарот на Алешевце, општина Липково.
Според информациите од МВР, во несреќата учествувале трактор „ИМТ“ со кумановски регистарски ознаки, управуван од 32-годишниот С.М. од селото Черкези, и патничко возило „Фолксваген голф“, управувано од 64-годишниот С.Ќ. од Куманово.
Тешки телесни повреди претрпеле сопатниците во тракторот, Ш.М. и М.М. Двајцата возачи се здобиле со телесни повреди и биле пренесени во Општата болница во Куманово, каде што им биле констатирани повредите.
Увид на местото извршила увидна екипа од СВР Куманово. Причините и околностите под кои се случила несреќата дополнително се утврдуваат.
