Трамп: „Абу Бакр Ал Багдади е мртов! Резултатите од тестовите се јасни и недвосмислени“

Абу Бакр ал-Багдади е мртов, објави Доналд Трамп откако американската војска ноќеска спроведе операција во северозападна Сирија.

— реклама —

„Синоќа САД го изведоа пред лицето на правдата терористот број еден во светот. Абу Бакр Ал багдади е мртов! Резултатите од тестовите се јасни и недвосмислени: тоа беше тој. “, рече Трамп.

— реклама —

— реклама —

„Тој беше основач и лидер на ИСИС, најнемилосрдна и најнасилна терористичка организација во светот. Соединетите држави многу години го бараа Багдади. Заробување  или убиство на Багдади беше врвен приоритет на националната безбедност на мојата администрација“, додаде Трамп.

Претседателот на САД информираше дека во операцијата нема загинати американски војници, додека на страната на милитантите имало повеќе жртви.