Трамп му се закани на Иран: Ако има мини во Ормускиот теснец, нека се отстранат веднаш

Американскиот претседател Доналд Трамп побара итно отстранување на евентуално поставените мини во Ормускиот теснец, откако се појавија медиумски извештаи дека Иран започнал со нивно поставување во оваа клучна поморска рута.

— реклама —

Во објава на својата социјална мрежа, Трамп наведе дека САД засега немаат потврдени информации дека Иран навистина поставил мини, но предупреди на сериозни последици доколку тоа се покаже како точно.

— реклама —

„Ако Иран поставил било какви мини во Ормускиот теснец, а засега немаме извештаи дека тоа го направил, сакаме тие веднаш да се отстранат“, напиша Трамп.

— реклама —

Тој додаде дека доколку мини навистина се поставени и не бидат отстранети веднаш, Иран ќе се соочи со воени последици какви што, според неговите зборови, досега не биле видени.

„Ако, од друга страна, го отстранат она што можеби е поставено, тоа ќе биде голем чекор во вистинска насока“, порача американскиот претседател.