Три физички напади пријавени во Скопје во еден ден

Во текот на вчерашниот ден во Скопје биле пријавени неколку физички напади, информираа од Министерството за внатрешни работи.

— реклама —

Според МВР, денеска во 00:15 часот во СВР Скопје, 19-годишниот А.И. од селото Долно Количани пријавил дека на 9 мај околу 13:00 часот во селото Пагаруша бил физички нападнат од М.Ш., кој употребил тврд предмет.

Полицијата презема мерки за расчистување на случајот.

— реклама —

Истиот ден, во 22:10 часот, во СВР Скопје 57-годишната Е.Л. од Скопје пријавила дека околу 21:30 часот на подрачјето на Центар била физички нападната од едно лице.

— реклама —

Од МВР велат дека се преземаат мерки за расчистување и на овој случај.

Претходно, во 11:50 часот, 20-годишниот М.В. од Скопје пријавил дека околу 11:20 часот на подрачјето на општина Аеродром, по претходно недоразбирање во сообраќајот, бил физички нападнат од 45-годишниот Л.А. од Скопје.

По целосното документирање на случајот ќе следува соодветен поднесок, соопшти полицијата.