Три лица приведени во Гостивар и Тетово, пронајдени марихуана и кокаин

Три лица биле лишени од слобода во одделни полициски постапувања во Гостивар и Тетово, при што биле пронајдени марихуана и кокаин.

— реклама —

Како што информира МВР, полициски службеници од мобилниот тим „Task Force“ при ОВР Гостивар и СВР Тетово на 6 октомври ги лишиле од слобода Р.Ј. (47) и С.Н. (29) од Гостивар, како и Г.О. (44) од Тетово.

— реклама —

При претрес во домот на Р.Ј., извршен со судска наредба, биле пронајдени и одземени две пакувања со марихуана.

— реклама —

При преглед на С.Н. била пронајдена и одземена марихуана, додека кај Г.О. бил пронајден и одземен кокаин.

Тројцата биле лишени од слобода во текот на вечерта, во 18:00, 22:15 и 23:20 часот. Од МВР информираат дека по целосното документирање на случаите против лицата ќе бидат поднесени соодветни поднесоци.