Три лица се лишени од слобода во Радовиш откако при претрес на дом со судска наредба била пронајдена марихуана, соопшти Министерството за внатрешни работи.
На 1 септември во 15:45 часот, полициски службеници од СВР Струмица – ОВР Радовиш ги лишиле од слобода Х.А. (28) од Радовиш, Д.П. (22) од селото Злеово и Ј.П. (26) од селото Подареш.
При претресот во домот на Х.А., извршен со судска наредба, била пронајдена марихуана. Во службен разговор, Х.А. изјавил дека марихуаната претходно во неговиот дом ја донеле Д.П. и Ј.П.
За случајот бил известен јавен обвинител, а по целосното документирање на настанот ќе биде поднесена соодветна пријава.
