Три лица затекнати зад волан без возачка дозвола во Тетово и Гостивар

Тројца возачи биле затекнати како управуваат возила без да поседуваат возачка дозвола во Тетово и Гостивар, информира Министерството за внатрешни работи.

— реклама —

На 2 ноември, на булеварот „Видое Смилевски Бато“, полицијата го лишила од слобода 30-годишниот Д.А. од тетовското село Порој, откако при сообраќајна контрола било утврдено дека управувал патничко возило со тетовски регистарски ознаки без возачка дозвола.

— реклама —

Ден подоцна, во Гостивар, бил извршен службен разговор со 16-годишен малолетник, во присуство на неговата мајка. Тој бил затекнат како управува автомобил „мицубиши“ со гостиварски регистарски ознаки на улицата „Илинденска“, исто така без возачка дозвола.

— реклама —

На 4 ноември, пет минути по полноќ, во населбата Циглана во Гостивар, бил лишен од слобода и 19-годишниот С.А. од Гостивар. При контрола било утврдено дека управувал автомобил „ауди“ со скопски регистарски ознаки без да поседува возачка дозвола.

— реклама —

Од МВР информираат дека по целосно документирање на сите три случаи ќе следуваат соодветни поднесоци.