Тричлено семејство и двајца водичи ја поминаа ноќта во пештерата Крижна јама, каде што се заробени трет ден по ред. Спасувачите денеска повторно ќе се обидат да ги спасат, а бидејќи водата се повлекла преку ноќ, шансите да бидат извлечени се зголемуваат
Како што изјави доцна синоќа за „N1 Словенија“, шефот на пештерата спасувачка служба Валтер Закрајшек, спасувачките екипи денеска околу 9 часот повторно се спуштиле во пештерата. Ако се биде во ред, тие ќе бидат спасени околу четири до пет часот попладне.
„Излегувањето од пештерата нема да биде лесно, ќе мора да испливаат дел од патот. Но, во текот на ноќта водата се повлекла“, пишува N1 Словенија.
Шефот на Спасувачката служба Валтер Закрајшек синоќа околу 22 часот и 30 минути изјави дека заробените се во добра психичка и физичка состојба.
„Имаат греалки и чекаат водата да паднеѓ за да можат да излезат од пештерата“, изјави Закрајшек за N1 и објасни дека, „ако имаат среќа, денеска ќе можат да ги извлечат заробениците од пештерата“.
