(Видео) Трифуновски: Алта банка е криминална, гувернерот мора да понесе одговорност

Организацискиот секретар на СДСМ, Зоран Трифуновски, во гостувањето во поткастот „Претрес со Ландов“ говореше за Алта банка, нејзиното преземање на Стопанска банка АД Битола и лицата кои во минатото биле дел од управувачките структури на банката.

Трифуновски ја обвини актуелната власт дека дозволила влез на, како што го нарече, сомнителен капитал во земјава, тврдејќи дека СДСМ речиси 11 и пол месеци предупредувал за ризиците поврзани со Алта банка.

— реклама —

„Алта банка е криминална, така испадна!“ изјави Трифуновски, обвинувајќи го гувернерот на Народната банка дека не реагирал навреме и дека требало да си поднесе оставка.

Тој се осврна и на состојбата во Битола, посочувајќи дека пензионери имале проблеми со пристапот до своите пари, особено повозрасните граѓани кои немаат платежни картички.

— реклама —

На прашање дали Миле Зечевиќ, поранешен генерален секретар на СДСМ, бил член на Надзорниот одбор на Стопанска банка АД Битола пред нејзиното преземање од српската Алта банка, Трифуновски потврди дека Зечевиќ бил член на Надзорниот одбор, но тврдеше дека тоа било многу пред продажбата на банката.

— реклама —

„Точно е дека бил член на Надзорниот одбор, но тоа било многу, многу пред да се продаде на Србите“, рече Трифуновски, кој на дополнителното прашање докога Зечевиќ бил на таа позиција одговори дека не знае точно.

Во дебатата беше споменат и бизнисменот Орце Камчев, за кого Трифуновски рече дека бил еден од најголемите акционери во банката, обвинувајќи го дека бил поврзан со ВМРО-ДПМНЕ.

— реклама —

Во продолжението од разговорот, Трифуновски тврдеше и дека по завршувањето на изборите во Србија од трезорот на Алта банка биле извадени 370 милиони евра во готовина, за што рече дека станува збор за официјално објавени податоци.

Од „обид за убиство“ до врвот на СДСМ: „Претрес“ на Трифуновски за фештата, бегството, Алта Банка Гледај на LANDOV.MK 3:20:54