Тригодишно девојче се здобило со тешки телесни повреди во инцидент со лифт во станбена зграда во Радишани, Скопје.
Како што соопшти МВР, случајот бил пријавен на 24 август во 20:00 часот. Според пријавеното, на 22 август околу 18:15 часот, 30-годишната мајка била во лифтот со своите деца кога вратата ненадејно се отворила и затворила.
При тоа, нејзината тригодишна ќерка била повлечена и се здобила со тешки телесни повреди. Детето било прегледано и повредите биле констатирани во ЈЗУ „Св. Наум Охридски“ во Скопје.
Полицијата презема мерки за расчистување на случајот и утврдување на околностите под кои дошло до повредувањето на детето.
