Тројца кувајтски војници повредени по напад врз база со американски персонал

Тројца припадници на вооружените сили на Кувајт се повредени во напад врз воздухопловна база во која престојува американски персонал, соопшти кувајтското Министерство за одбрана. Нападот се случил, како дел од иранската одмазда по американско-израелските удари.

— реклама —

Портпаролот на Министерството, полковник Сауд Ал-Атван, изјави дека војниците биле повредени од остатоци што паднале врз базата „Али Ал Салем“, откако противвоздушната одбрана пресретнала балистички проектили и беспилотни летала.

— реклама —

„Остатоците паднаа врз воздухопловната база ‘Али Ал Салем’ по пресретнувањето на балистичките проектили и дроновите. Притоа, тројца припадници на вооружените сили се здобија со полесни повреди, а настаната е и одредена материјална штета“, се наведува во соопштението.

— реклама —

Освен воената база, напади погодиле и меѓународниот аеродром во Кувајт. Управата за цивилно воздухопловство потврди дека и таму има полесно повредени лица.

Претходно, Министерството за здравство соопшти дека вкупно 12 лица се повредени за време и по нападите, но засега не е прецизирано дали во таа бројка се вклучени и тројцата повредени војници.