Тројца лишени од слобода во Битола и Новаци, пронајдени марихуана и прашкаста материја

Полициски службеници од СВР Битола вчера лишиле од слобода три лица во одделни случаи, откако кај нив биле пронајдени материјали за кои постои сомнение дека се наркотични средства.

— реклама —

На 20 септември во 19:40 часот, на улицата „Трајче Магловски“ во Битола, биле лишени од слобода Ѓ.Ш. (34) и Ј.Е. (35), двајцата од Битола. При извршен преглед кај нив била пронајдена марихуана.

— реклама —

— реклама —

Подоцна, во 21:30 часот, во селото Будимирци, општина Новаци, полицијата го лишила од слобода Б.И. (36) од битолското село Раштани. При преглед кај него била пронајдена прашкаста материја.

Од МВР информираат дека по целосно документирање на двата настани ќе следуваат соодветни поднесоци.