Тројца малолетници предизвикале пожар во парк-шумата Гази Баба

Тројца малолетници од Скопје биле лишени од слобода откако биле пријавени дека предизвикале пожар во парк-шумата Гази Баба, соопшти Министерството за внатрешни работи.

— реклама —

Случајот бил пријавен на 4 октомври, по што полициски службеници од СВР Скопје ги лишиле од слобода малолетниците. Во пожарот била опожарена сува трева.

— реклама —

— реклама —

Пожарот бил изгаснат од екипи на Бригадата за противпожарна заштита.

По целосното документирање на случајот, Единицата за внатрешни работи Гази Баба при СВР Скопје ќе поднесе кривична пријава против малолетниците поради постоење основи на сомнение за сторено кривично дело „предизвикување општа опасност“ по член 288 од Кривичниот законик.