Тројца малолетници украле автомобил од автоплац во Дебар

Тројца малолетници од Дебар се осомничени дека од автоплац во градот одзеле патничко возило „форд фиеста“.

— реклама —

Според информациите од МВР, кражбата се случила на 19 октомври 2026 година, на улицата „Јусуф Грвала“ во Дебар. Возилото, со дебарски регистарски ознаки, било сопственост на 37-годишниот А. Г. и било оставено незаклучено, со клучот во бравата.

— реклама —

— реклама —

ОВР Дебар поднело посебен извештај до Основното јавно обвинителство во Кичево против тројцата малолетници поради сомнение за сторено кривично дело „кражба“.

По преземените мерки, малолетниците биле повикани во полициската станица заедно со своите родители и претставници на Центарот за социјална работа во Дебар, каде што со нив биле извршени службени разговори.