Тројца приведени поради сомнение за недозволена трговија со дрога

Тројца лица се задржани во Полициската станица Тетово поради сомнение дека сториле кривично дело поврзано со неовластено производство и пуштање во промет на наркотични дроги.

— реклама —

Од МВР информираат дека на 30 септември во 03:40 часот во Полициската станица Тетово биле задржани Н.Ч. (33) од Скопје, како и А.Л. (21) и А.В. (25), двете од Приштина.

— реклама —

Тие биле лишени од слобода на 29 септември од полициски службеници од Полициската станица за граничен надзор Рогачево, поради постоење основи на сомнение за сторено кривично дело по член 215 од Кривичниот законик – „Неовластено производство и пуштање во промет на наркотични дроги, психотропни супстанции и прекурсори“.

— реклама —

При извршениот преглед кај лицата била пронајдена и одземена марихуана.

Од МВР додаваат дека по целосното документирање на случајот против тројцата ќе биде поднесен соодветен поднесок.