Три лица се лишени од слобода во две одделни полициски акции во Куманово и Кичево, при што била пронајдена и одземена марихуана, соопшти Министерството за внатрешни работи.
Во Куманово, на 21 август во 9:30 часот, полициски службеници од СВР Куманово го лишиле од слобода А.Н. (33) од Куманово.
При претрес во неговиот дом, извршен со судска наредба, била пронајдена и одземена марихуана.
Од МВР информираат дека по целосното документирање на случајот против него ќе биде поднесена соодветна пријава.
Неколку часа подоцна, во Кичево, полициски службеници од криминалистичката полиција при ОВР Кичево ги лишиле од слобода А.Љ. (28) и Л.Љ. (31), двајцата од Кичево.
При претрес во нивниот дом и во деловна просторија каде што работеле, исто така извршен со судска наредба, полицијата пронашла и одзела марихуана, дигитални ваги и други предмети.
И во овој случај, по целосното документирање на настанот, против двајцата ќе биде поднесена соодветна пријава.
