Во два одделни случаи на струшкото крајбрежје, полицијата привела три лица кај кои биле пронајдени марихуана и остар предмет.
Според информациите од МВР, на 1 септември во 18:30 часот, во близина на хотел на струшкото крајбрежје, полициски службеници од мобилниот тим при Регионалниот центар за гранични работи Запад ги привеле Е.В. (21) и Л.Р. (19), двајцата од Струга. При прегледот кај нив биле пронајдени марихуана и остар предмет.
Неколку часа подоцна, односно на 2 септември во 00:30 часот, во близина на автокамп во Струга, полицискиот мобилен тим го привел и Б.Д. (39) од Струга. И кај него била пронајдена марихуана.
Од МВР информираат дека по целосното документирање на случаите ќе бидат поднесени соодветни пријави.
