Тројца скопјани приведени кај Тетово, во автомобилот пронајдени предмети од тешки кражби

Тројца млади од Скопје, меѓу кои и 16-годишна малолетничка, биле лишени од слобода во текот на ноќта кај Тетово поради сомнение дека сториле кривично дело „тешка кражба“.

— реклама —

Од МВР информираат дека на 13 август во 1:30 часот, на паркинг пред бензинска пумпа на излезот од Тетово, полициски службеници од ОВР Гостивар ги лишиле од слобода 19-годишните А.А. и А.М., како и 16-годишната малолетничка, сите од Скопје.

— реклама —

— реклама —

При контролата на патничко возило „ауди А6“ со скопски регистарски таблички, во кое се превезувале тројцата, полицајците пронашле предмети за кои постои сомнение дека потекнуваат од пријавени кривични дела.

— реклама —

Тројцата биле задржани во полициска станица за понатамошна постапка. Од МВР информираат дека по целосното документирање на случајот против нив ќе следува соодветен поднесок.