Тројца возачи уапсени бидејќи возеле без возачка дозвола

Тројца возачи биле лишени од слобода во текот на изминатото деноноќие, откако полициските службеници утврдиле дека управувале возила без положен возачки испит, информира Министерството за внатрешни работи.

— реклама —

Според МВР, приведените се сомничат за кривично дело „безобѕирно управување возило“, предвидено во член 297-а од Кривичниот законик.

— реклама —

— реклама —

Станува збор за 31-годишниот Н.П. од селото Слепче, демирхисарско, 43-годишниот Д.Г. од Скопје и 16-годишник, исто така од Скопје.

Од Министерството информираат дека по целосното документирање на случаите против тројцата ќе бидат поднесени соодветни пријави.