Тротинет удрил 17-годишна девојка во Тетово и избегал, таа е тешко повредена

Седумнаесетгодишна девојка од Косово е тешко повредена откако во неа удрил електричен тротинет на булеварот „Илинденска“ во Тетово, по што лицето што го управувало го напуштило местото на несреќата.

— реклама —

— реклама —

Според информациите од МВР, случајот бил пријавен на 9 ноември 2026 година, во 11:45 часот, во СВР Тетово. Повредената малолетничка била пренесена во Ургентниот центар во Тетово, каде што ѝ биле констатирани тешки телесни повреди.

— реклама —

— реклама —

Полициска екипа извршила увид на местото на несреќата, а се преземаат мерки за пронаоѓање на лицето кое управувало со тротинетот и за целосно расчистување на случајот.